Luis Enrike o‘z va’dasiga muvofiq, keyingi rejalarini e’lon qildi - u mavsum yakunida «Barselona» bilan xayrlashadi. Enrikening yakuniy to‘xtami Kataloniya klubining bo‘lajak bosh murabbiyi masalasiga bog‘liq muhokamalarni yangi darajaga olib chiqdi. Hozirda har bir obro‘li nashr o‘z talqinidagi nomzod mutaxassislar imkoniyatlarini obdon chamalashga urinmoqda. Deylik, William Hill bukmekerlik idorasi «poyga»ning bosh favoriti sifatida «Atletik» ustozi Ernesto Valverdeni ko‘rsatmoqda. Aytish joiz, u o‘tgan asrning 80-yillari oxirida «Barselona» safida to‘p surgan.
1-nomzod: Ernesto Valverde («Atletik»)
Yutuqlari: Ispaniya superkubogi («Atletik») - 2015; Gresiya chempioni («Olimpiakos») - 2009, 2011, 2012; Gresiya kubogi («Olimpiakos») - 2009, 2012
2-nomzod: Xorxe Sampaoli («Sevilya»)
Yutuqlari: Chili chempioni («Universidad de Chili») - 2011 (apertura, klausura), 2012 (apertura); Sudamerikana kubogi («Universidad de Chili») - 2011; Amerika kubogi (CHili termasi) - 2015
3-nomzod. Ronald Kuman («Everton»)
Yutuqlari: Gollandiya chempioni («Ayaks», PSV) - 2002, 2004, 2007; Gollandiya kubogi («Ayaks») - 2002; Gollandiya superkubogi («Ayaks», AZ) - 2002, 2009; Portugaliya superkubogi («Benfika») - 2005; Ispaniya kubogi («Valensiya») - 2008
4-nomzod. Arsen Venger
(«Arsenal»)
Yutuqlari: Fransiya chempioni («Monako») - 1988; Fransiya kubogi («Monako») - 1991; Yaponiya kubogi («Nagoya Grampus») - 1995; Yaponiya superkubogi («Nagoya Grampus») - 1996; Angliya chempioni («Arsenal») - 1998, 2002, 2004; Angliya kubogi («Arsenal») - 1998, 2002, 2003, 2005, 2014, 2015; Angliya superkubogi («Arsenal») - 1998, 1999, 2002, 2004, 2014, 2015
5-nomzod. Loran Blan (klubsiz)
Yutuqlari: Fransiya chempioni («Bordo», «PSJ») - 2009, 2014, 2015, 2016; Fransiya kubogi («PSJ») - 2015, 2016; Fransiya Liga kubogi («Bordo», «PSJ») - 2009, 2014, 2015, 2016; Fransiya superkubogi («Bordo», «PSJ») - 2008, 2009, 2013, 2014, 2015
6-nomzod. Maurisio Pochettino («Tottenxem»)
Yutuqlari: -
7-nomzod. Frank de Bur (klubsiz)
Yutuqlari: Gollandiya chempioni («Ayaks») - 2011, 2012, 2013, 2014; Gollandiya superkubogi («Ayaks») - 2013
Shuningdek, nomzodlar ro‘yxatida Xosep Gvardiola, Yurgen Klopp, Pako Xemes, Xavi Ernandes, Karles Puyol va Luis Enrikening hozirgi assistenti - Xuan Karlos Unsue ham bor.
