Namangan shahrida Oliy liga 3-turidan o‘rin olgan uchrashuvda mezbon "Navbahor" jamoasi Farg‘onaning "Neftchi" jamoasini qabul qildi. Uchrashuvda durang natija qayd etildi.
Uchrashuvning dastlabki o‘n daqiqasida mezbonlar ustunlik qilishdi. So‘ngra o‘yin biroz tenglashganday bo‘ldi. Hisob ochilishiga darvozabonlar yo‘l qo‘yishmadi. 30-daqiqada G‘iyos Komilov hisobni ochishga juda yaqin kelgandi, ammo farg‘onaliklar posboni O‘tkir Yusupov mag‘oratini ishga soldi. Oradan ikki daqiqa o‘tib, Komilov yana "Neftchi" darvozasiga gol urishga urindi, ammo Yusupov bunga yana yo‘l qo‘ymadi.
41-daqiqada mehmonlar bursak to‘pi tepish imkoniyatiga ga bo‘ldilar. Standartdan uzatilgan to‘pni Dmitriy Komarovskiy hisobni ochdi- 0:1.
Ikkinchi bo‘limda hisobni tenglashtirishga uringan mezbonlarning deyarli barcha hujumlari chap qanotdan tashkil etildi. Ammo jarima maydoniga to‘p uzatishlar yoki noaniq chiqdi yoki yana o‘sha Yusupov koptokni ushlab oldi.
Bo‘lim o‘rtalarida mehmonlar o‘z jarima maydonlari ichida Namnya Yovanovichni chalib yiqitishdi. Ravshan Ermatov 11 metrlik nuqtani ko‘rsatdi. Penaltini jabrlanuvining o‘zi aniq bajardi - 1:1.
Asosiy vaqt tugashiga bir daqiqa qolganida Mansur Saidovda mezbonlarni hisobda oldinga olib chiqish uchun yaxshi imkoniyat paydo bo‘lgan edi, ammo u jamoadoshi G‘ofurov yaratib bergan vaziyatdan foydalana olmadi.
Shu tariqa, vodiy derbisi kamtarona hisobdagi durang bilan tugadi.
Oliy liga, 3-tur.
"Navbahor" - "Neftchi" 1:1 (0:1)
Gol: Yovanovich (77-pen) - Komarovskiy (41)
Navbahor: 30. Asilbek Amanov, 2. Alisher Samatov, 5. G‘iyos Komilov, 7. Oybek Qilichev, 9. Dilshod Jabborov, 10. Mansur Saidov, 19. Mirzhid G‘ofurov, 21. A’zam Aliyev, 32. Jahongir Mehmonov, 44. Darko Stanoyevich, 84. Nemanya Yovanovich.
Zaxira: 1. Akmal Ortiqov, 3. Hasanboy Ergashev, 4. Abbosjon Otaxonov, 11. Abduaziz Sultonov, 20. Alisher Mirzayev, 33. Tohir O‘amshitdinov, 77. Azizbek Turg‘unboyev.
Neftchi: 1. O‘tkir Yusupov, 2. Sergey Konsevoy, 5. Hamza Karimov, 8. Umidjon Qodirov, 9. Sherzod hakimov (s), 11. Abbos Maxsitaliyev, 14. Terentiy Lusevich, 15. Xusniddin G‘ofurov, 17. Muzaffar Muzaffarov, 20. Dilyor Irmatov, 55. Dmitriy Komarovskiy.
Zaxira: 16. Abdumavlon Abdujalilov, 7. Akram Bahritdinov, 10. Mo‘ydin Mamazulumov, 18. Javohir Rasulov, 22. Furqat Hasanboyev, 23. Abdurahmon Abdulxaqov, 30. Said Abdujabborov.
