"Manchester Siti" bosh murabbiyi Xosep Gvardiola faoliyati davomida va’dalar bermagan bo‘lsada, sovrinlarsiz qolmagan.
"Boshqa murabbiylar mavsum yakunida sovrinsiz qolishlari mumkin. Bu dunyo futbolida normal holat. Mening faoliyatim qoidalardan tashqari. Kechirasiz, men maxsus murabbiyman.
Shuning uchun, albatta, biz sovrinlarni ko‘zlaymiz. Hamma g‘alaba qozonishni istaydi. Shuning uchun maydonga tushamiz va kurashamiz. Biz o‘yinmizni yaxshilaymiz va yangi mavsumda sovrinlar uchun kurashamiz.
Klub xo‘jayini, direktor - ular hammasi klub uchun xayrli qarorlar chiqarishi kerak. Ko‘p narsa natijaga bog‘liq. Agar sovrinlarsiz qolsak, rahbariyat mening taqdirimni hal qiladilar. Agar natija yomon bo‘lsa, ular murabbiyga "xayr" deyishlari mumkin.
Men Manchesterga vaqtni quvnoq o‘tkazish va chiroyli o‘yin uchun kelganim yo‘q, men g‘alaba qozonishni istayman. Men jamoaning YECHL qur’asida ishtirok etishidan xursand bo‘lar edim. Bu tabiiy.
Odamlar Pep jamoaga kelsa - bo‘ldi, jamoa sovrinlarni yuta boshlaydi deb o‘ylaydi, ammo ular xato qiladilar. Men hech qachon bir, ikki yoki uch sovrin yutishga va’da bermaganman. Buni "Barselona"da ham, bu yerda ham qilmaganman. Men ish va’da qilganman, ammo hech qachon sovrinni emas.
Hatto Yup Haynkes trebl qilgan "Bavariya"ga o‘tganimdan so‘ng ham Hech qachon. Faqat ish. Ishonamanki, jamoam men xohlagan o‘yinni ko‘rsatadi, menda bor yagona narsa shu", - deydi Gvardiola.
