"Манчестер Сити" бош мураббийи Хосеп Гвардиола фаолияти давомида ваъдалар бермаган бўлсада, совринларсиз қолмаган.

"Бошқа мураббийлар мавсум якунида совринсиз қолишлари мумкин. Бу дунё футболида нормал ҳолат. Менинг фаолиятим қоидалардан ташқари. Кечирасиз, мен махсус мураббийман.

Шунинг учун, албатта, биз совринларни кўзлаймиз. Ҳамма ғалаба қозонишни истайди. Шунинг учун майдонга тушамиз ва курашамиз. Биз ўйинмизни яхшилаймиз ва янги мавсумда совринлар учун курашамиз.

Клуб хўжайини, директор - улар ҳаммаси клуб учун хайрли қарорлар чиқариши керак. Кўп нарса натижага боғлиқ. Агар совринларсиз қолсак, раҳбарият менинг тақдиримни ҳал қиладилар. Агар натижа ёмон бўлса, улар мураббийга "хайр" дейишлари мумкин.

Мен Манчестерга вақтни қувноқ ўтказиш ва чиройли ўйин учун келганим йўқ, мен ғалаба қозонишни истайман. Мен жамоанинг ЕЧЛ қуръасида иштирок этишидан хурсанд бўлар эдим. Бу табиий.

Одамлар Пеп жамоага келса - бўлди, жамоа совринларни юта бошлайди деб ўйлайди, аммо улар хато қиладилар. Мен ҳеч қачон бир, икки ёки уч соврин ютишга ваъда бермаганман. Буни "Барселона"да ҳам, бу ерда ҳам қилмаганман. Мен иш ваъда қилганман, аммо ҳеч қачон совринни эмас.

Ҳатто Юп Ҳайнкес требл қилган "Бавария"га ўтганимдан сўнг ҳам Ҳеч қачон. Фақат иш. Ишонаманки, жамоам мен хоҳлаган ўйинни кўрсатади, менда бор ягона нарса шу", - дейди Гвардиола.