"Valensiya" yarimhimoyachisi Daniel Parexo Ispaniya chempionatining 28-turida "Barselona" bilan uchrashuv oldidan fikrlarini bildirdi.

Futbolchidan "Valensiya" o‘tgan yili kubok uchrashuvidagi kabi kataloniyaliklardan yettita gol o‘tkazishi mumkinmi, deya so‘rashdi.

"7 ta gol? Oldindan raqib senga shuncha gol urishini bilmaysan. Biz qiyin stadionda o‘ynashimizga to‘g‘ri keladi. "Barselona" yiliga 250 mln yevro sarflaydigan "PSJ"ga 6 ta gol urdi. Ha, agar "Barselona"ning kuni tug‘sa, 5-6 talab gol uradi. Zo‘r o‘yin ko‘rsatayotgan "Selta"ga 5 ta gol urishdi. "Kamp Nou"da kurashish kerak", - deydi Parexo.

"Barselona" - "Valensiya" uchrashuvi bugun, 19 mart kuni bo‘lib o‘tadi.