"Валенсия" яримҳимоячиси Даниэль Парехо Испания чемпионатининг 28-турида "Барселона" билан учрашув олдидан фикрларини билдирди.
Футболчидан "Валенсия" ўтган йили кубок учрашувидаги каби каталонияликлардан еттита гол ўтказиши мумкинми, дея сўрашди.
"7 та гол? Олдиндан рақиб сенга шунча гол уришини билмайсан. Биз қийин стадионда ўйнашимизга тўғри келади. "Барселона" йилига 250 млн евро сарфлайдиган "ПСЖ"га 6 та гол урди. Ҳа, агар "Барселона"нинг куни туғса, 5-6 талаб гол уради. Зўр ўйин кўрсатаётган "Сельта"га 5 та гол уришди. "Камп Ноу"да курашиш керак", - дейди Парехо.
"Барселона" - "Валенсия" учрашуви бугун, 19 март куни бўлиб ўтади.
