19-20 mart kunlari Toshkentda Osiyo Olimpiya kengashi va Milliy Olimpiya qo‘mitalari assosiasiyasi prezidenti Shayx Ahmad Al-Fahad As-Saboh boshchiligidagi delegasiya mehmon bo‘ladi.
As-Saboh bundan avval 2015 yilning 14-15 iyun kunlari ham poytaxtimizda mehmon bo‘lgan va o‘shanda O‘zbekiston Milliy olimpiya qo‘mitasining yangi binosi bilan yaqindan tanishib chiqqandi.
Toshkentga Xalqaro Olimpiya qo‘mitasi (XOQ) Prezidenti Tomas Bax hamrohligida kelgan As-Saboh O‘zbekiston Milliy olimpiya qo‘mitasining yangi qurib bitkazilgan binosiga yuqori baho bergan, bu yerda yaratilgan sharoitlar, xususan Respublika sport tibbiyoti ilmiy-amaliy markazi faoliyatini ham olqishlagandi.
O‘sha vaqtning o‘zidayoq martabali mehmon o‘zbek sportining kelajagiga yuksak ta’rif berib, hali O‘zbekiston sportchilari jahonning eng nufuzli musobaqalari - Olimpiya va Osiyo o‘yinlari, jahon va qit’a chempionatlarida yuksak cho‘qqilarni zabt etishlariga aslo shubhasi yo‘qligini ta’kidlab o‘tgandi.
Oradan bir yil o‘tib yurtimiz sportchilari Rio-de-Janeyroda bo‘lib o‘tgan XXXI yozgi Olimpiya o‘yinlarida mamlakatimiz sporti tarixida eng yaxshi natijani qayd etib 13 ta medalga sazovor bo‘lishdi. O‘zbek bokschilari esa Olimpiya o‘yinlarida butun dunyoni hayratga solib 7 ta medal bilan birinchi o‘rinni egallashdi.
Xalqaro Olimpiya qo‘mitasi va butun dunyo Olimpiya harakati yetakchilarini O‘zbekiston delegasiyasining bu natijasi aslo hayratlantirmadi. Boisi aytib o‘tganimizdek, mamlakatimizda sport taraqqiyoti va Olimpiya harakatini rivojlantirish yo‘lida olib borilgan ulkan hajmdagi ishlar kun kelib albatta o‘z samarasini berishi kerak edi. Bir so‘z bilan aytganda bu kutilgan holat edi. Shunchaki Xalqaro Olimpiya tashkilotlari rahbarlarining tahmini o‘zini oqladi holos.
As-Saboh mamlakatimizga amalga oshiradigan bu safargi tashrifi davomida “Zangi-ota” yodgorlik majmuasini ziyorat qiladi. Shuningdek Milliy olimpiya qo‘mitasi anjumanlar zalida O‘zbekiston Respublikasi Jismoniy tarbiya va sport davlat qo‘mitasi hamda Milliy olimpiya qo‘mitasi rahbarlari bilan muzokaralar o‘tkazadi.
«Real» hakamlik xatolari ortidan federasiya bilan munosabatlarni uzdi — AS [2426]
Turkiya superligasi. Shomurodovning dubli “Bashakshehir”ga yirik g‘alaba keltirdi [2031]
Anri: «Real»da bunday o‘yinchi yo‘q» [1656]
La Liga. "Barselona" derbida yirik hisobda zafar quchdi [1637]
Yamal derbidagi g'alabadan so‘ng keskin bayonot berdi [1597]
Arbeloa «Bavariya»ni ogohlantirdi [1531]
APL. «Arsenal» o‘z uyida «Bornmut»ga yutqazib qo‘ydi [1529]
Gvardiola: «Barchasi tugashi mumkin» [1498]
Flik "Real" bilan 9 ochkolik farq haqida gapirdi [1444]
Talabgorlar turniri. Javohir Sindarov uzoq cho‘zilgan o‘yinda Fabiano Karuana bilan durang o‘ynadi [1302]
