19-20 март кунлари Тошкентда Осиё Олимпия кенгаши ва Миллий Олимпия қўмиталари ассоциацияси президенти Шайх Аҳмад Ал-Фаҳад Ас-Сабоҳ бошчилигидаги делегация меҳмон бўлади.
Ас-Сабоҳ бундан аввал 2015 йилнинг 14-15 июнь кунлари ҳам пойтахтимизда меҳмон бўлган ва ўшанда Ўзбекистон Миллий олимпия қўмитасининг янги биноси билан яқиндан танишиб чиққанди.
Тошкентга Халқаро Олимпия қўмитаси (ХОҚ) Президенти Томас Бах ҳамроҳлигида келган Ас-Сабоҳ Ўзбекистон Миллий олимпия қўмитасининг янги қуриб битказилган биносига юқори баҳо берган, бу ерда яратилган шароитлар, хусусан Республика спорт тиббиёти илмий-амалий маркази фаолиятини ҳам олқишлаганди.
Ўша вақтнинг ўзидаёқ мартабали меҳмон ўзбек спортининг келажагига юксак таъриф бериб, ҳали Ўзбекистон спортчилари жаҳоннинг энг нуфузли мусобақалари - Олимпия ва Осиё ўйинлари, жаҳон ва қитъа чемпионатларида юксак чўққиларни забт этишларига асло шубҳаси йўқлигини таъкидлаб ўтганди.
Орадан бир йил ўтиб юртимиз спортчилари Рио-де-Жанейрода бўлиб ўтган XXXI ёзги Олимпия ўйинларида мамлакатимиз спорти тарихида энг яхши натижани қайд этиб 13 та медалга сазовор бўлишди. Ўзбек боксчилари эса Олимпия ўйинларида бутун дунёни ҳайратга солиб 7 та медаль билан биринчи ўринни эгаллашди.
Халқаро Олимпия қўмитаси ва бутун дунё Олимпия ҳаракати етакчиларини Ўзбекистон делегациясининг бу натижаси асло ҳайратлантирмади. Боиси айтиб ўтганимиздек, мамлакатимизда спорт тараққиёти ва Олимпия ҳаракатини ривожлантириш йўлида олиб борилган улкан ҳажмдаги ишлар кун келиб албатта ўз самарасини бериши керак эди. Бир сўз билан айтганда бу кутилган ҳолат эди. Шунчаки Халқаро Олимпия ташкилотлари раҳбарларининг таҳмини ўзини оқлади ҳолос.
Ас-Сабоҳ мамлакатимизга амалга оширадиган бу сафарги ташрифи давомида “Занги-ота” ёдгорлик мажмуасини зиёрат қилади. Шунингдек Миллий олимпия қўмитаси анжуманлар залида Ўзбекистон Республикаси Жисмоний тарбия ва спорт давлат қўмитаси ҳамда Миллий олимпия қўмитаси раҳбарлари билан музокаралар ўтказади.
Абдуқодир Ҳусанов учун Францияда янги трансфер кураши бошлангани маълум бўлди [4576]
ЖЧ-2026'нинг энг қиммат терма жамоалари рейтинги тузилди. Ўзбекистон нечанчи ўринда? [3752]
Ҳусниддин Алиқулов турк гранди сафига ўтиши мумкин [2669]
"Астон Вилла" "Барселона" билан келишувга эришиш арафасида турибди [2584]
«Барса» 25 кун ичида 7/8 та ўйин ўтказади: Тақвим [1919]
Sport телеканалида 26-декабрь куни профессионал бокс кечасидан трансляция бор [1743]
«Барса» «Ман Сити» ҳимоячиси бўйича алоқа ўрнатди [1733]
«Манчестер Юнайтед» бу футболчини сотиб олиши шарт!» – Луис Саа [1665]
Килиан Мбаппе Африка Миллатлар Кубоги ўйини учун Марокашга келди (Фото) [1623]
«Челси» Хулиан Альварес учун даҳшатли сумма тайёрлади [1612]
