“Dinamo” – “Nasaf” (2:2) o‘rtoqlik uchrashuvi nihoyasiga yetgach, mehmonlar ustozi Ro‘ziqul Berdiyev o‘yin haqidagi fikrlari bilan o‘rtoqlashdi.

"Bugungi o‘yinni shaxsan o‘zim o‘rtoqlik uchrashuvi demagan bo‘lardim. Chunki u keskin kurashlarga boy bo‘ldi. Stadionda muxlislarning ko‘pligidan sezish mumkinki, samarqandlik futbol ishqibozlari katta futbolni sog‘inib qolgan.

Shuningdek, “Dinamo” turnir jadvalida bekorga yetakchilik qilmayotganini bugun ko‘rsatdi. Bugun biz ularning jiddiy qarshiligiga duch keldik. Ko‘rinib turibdi, “Dinamo”da murabbiylar yaxshi ishlashayapti. Jamoa tarkib jihatdan ancha yosh. Ularda ishtiyoq juda kuchli.  O‘ylaymanki, bugungi o‘yin har ikkala jamoa uchun foydali bo‘ldi" - dedi Berdiyev.