“Dinamo” – “Nasaf” (2:2) o‘rtoqlik o‘yinidan so‘ng, mezbonlar ustozi Oleg Tyulkin o‘yin haqidagi fikrlari bilan o‘rtoqlashdi.
"Qiziqarli o‘yinga guvoh bo‘ldik. «Nasaf» bilan o‘tkazilgan o‘rtoqlik bahsi har ikki jamoa uchun ham juda muhim bo‘ldi. Bugun natija asosiy emasdi, o‘yin muhim edi. Yaxshi tayyorgarlik ko‘ra oldik. Yoshlarimizni sinab oldik. Oldinda kubokda Zomindagi o‘yinda to‘p sursak, keyin «Navbahor» bilan bahs kutib turibdi. Yigitlarni yaxshi tayyorgarlik bilan to‘p surishlari uchun harakat qilayapmiz. Samarqandda nazorat uchrashuvida ham shuncha muxlis kelgani ajoyibdir. Shu bois yigitlar dastlabki golni muxlislarga bag‘ishlashdi" - dedi Tyulkin.
