«Manchester Yunayted»ning sobiq bosh murabbiyi Aleks Fergyuson yana jamoani boshqaradigan bo‘ldi.
Mutaxassis klub faxriysi Maykl Kerrikka bag‘ishlanadigan uchrashuvda jamoani bosh murabbiy sifatida maydonga olib tushadi. Unda «Manchester Yunayted»ning 2008 yildagi tarkibi yulduzlar terma jamoasiga qarshi o‘ynaydi.
«MYU» tarkibi Kerrikka 9 yil oldin jamoadosh bo‘lgan futbolchilardan iborat bo‘ladi. Yulduzlar termasi esa Frenk Lempard, Stiven Jerrard, Maykl Ouen va boshqa faxriy futbolchilardan tarkib topadi hamda bu jamoani Harri Rednapp boshqaradi.
Uchrashuv shu yilning 4 iyun kunida «Old Trafford» stadionida o‘tkazilish belgilangan. Eslatib o‘tamiz, Fergyuson «Manchester Yunayted»ni 1986 yildan 2013 yilgacha boshqargan va 38ta sovrin yutgan.
