Oliy liganing navbatdagi turida "Metallurg" - "Sho‘rtan" bahsini guvohi bo‘lamiz.   Mamlakat milliy chempionatlarida mazkur jamoalar o‘zaro 22 ta o‘yin o‘tkazishgan. Shulardan 16 tasida bekobodliklar g‘olib chiqishgan bo‘lsa, 3 ta o‘yinda “Sho‘rtan”ning qo‘li baland kelgan. Yana 3 o‘yinda durang natija qayd etilgan. To‘plar nisbati “Metallurg” foydasiga, 44:21 ni tashkil qilmoqda. O‘zaro o‘inlarda “Metallurg” 54 ochkoni, “Sho‘rtan” esa 12 ochkoni qo‘lga kiritgan.

“Metallurg”ning “Sho‘rtan” ustidan qozongan yirik g‘alabasi – 4:0. “Sho‘rtan”ning o‘zaro o‘yinlarda bekobodliklar ustidan qozongan eng yirik g‘alabasi– 2:1.

O‘tgan mavsum G‘uzorda o‘tgan o‘yinda “Metallurg” 0:1 hisobida imkoniyatni boy berib qo‘ygandi. Bekobodda esa jamoalar xuddi shu yilgidek, 4-tur doirasida to‘qnash kelishgan va unda mezbonlar 3:2 hisobida g‘alaba qozonishgandi. Gollarni mezbonlardan Jahongir Abdumo‘minov, Jasur Hakimov hamda Hasanboy Ergashev (“Sho‘rtan”, avtogol) kiritishgan bo‘lishsa, mehmonlardan Laziz Ubaydullayev va Igor Taranlar muvaffaqiyat qozonishgandi. Yana bitta ma’lumot: “Metallurg” o‘z maydonida bu raqibga faqat bir marta durang qilish mikoniyatini bergan holda, 10 marta taslim etgan.
Bekobodda o‘tgan so‘nggi olti uchrashuv: 02.04.2016: «Metallurg» - «Sho‘rtan» 3:2

20.11.2015: «Metallurg» - «Sho‘rtan» 1:0
02.03.2013: «Metallurg» - «Sho‘rtan» 1:0
19.10.2012: «Metallurg» - «Sho‘rtan» 4:0
15.10.2011: «Metallurg» - «Sho‘rtan» 1:1
29.05.2010: «Metallurg» - «Sho‘rtan» 2:1