Олий лиганинг навбатдаги турида "Металлург" - "Шўртан" баҳсини гувоҳи бўламиз.   Мамлакат миллий чемпионатларида мазкур жамоалар ўзаро 22 та ўйин ўтказишган. Шулардан 16 тасида бекободликлар ғолиб чиқишган бўлса, 3 та ўйинда “Шўртан”нинг қўли баланд келган. Яна 3 ўйинда дуранг натижа қайд этилган. Тўплар нисбати “Металлург” фойдасига, 44:21 ни ташкил қилмоқда. Ўзаро ўинларда “Металлург” 54 очкони, “Шўртан” эса 12 очкони қўлга киритган.

“Металлург”нинг “Шўртан” устидан қозонган йирик ғалабаси – 4:0. “Шўртан”нинг ўзаро ўйинларда бекободликлар устидан қозонган энг йирик ғалабаси– 2:1.

Ўтган мавсум Ғузорда ўтган ўйинда “Металлург” 0:1 ҳисобида имкониятни бой бериб қўйганди. Бекободда эса жамоалар худди шу йилгидек, 4-тур доирасида тўқнаш келишган ва унда мезбонлар 3:2 ҳисобида ғалаба қозонишганди. Голларни мезбонлардан Жаҳонгир Абдумўминов, Жасур Ҳакимов ҳамда Ҳасанбой Эргашев (“Шўртан”, автогол) киритишган бўлишса, меҳмонлардан Лазиз Убайдуллаев ва Игорь Таранлар муваффақият қозонишганди. Яна битта маълумот: “Металлург” ўз майдонида бу рақибга фақат бир марта дуранг қилиш микониятини берган ҳолда, 10 марта таслим этган.
Бекободда ўтган сўнгги олти учрашув: 02.04.2016: «Металлург» - «Шўртан» 3:2

20.11.2015: «Металлург» - «Шўртан» 1:0
02.03.2013: «Металлург» - «Шўртан» 1:0
19.10.2012: «Металлург» - «Шўртан» 4:0
15.10.2011: «Металлург» - «Шўртан» 1:1
29.05.2010: «Металлург» - «Шўртан» 2:1