O‘zbekiston boks delegasiyasi Tailand poytaxti Bangkok mezbonlik qiladigan xalqaro turnirda ishtirok etadi.
Musobaqada ishtirok etuvchi mamlakatlar nomiga oydinlik kiritilmagan bo‘lsa-da, ularning har biri yetti nafardan bokschi bilan yetib kelishi aniq. O‘zbekiston delegasiyasi bu borada Rio—2016 Olimpiadasida ishtirok etgan 4 nafar charm qo‘lqop ustasi xizmatidan foydalanadi: Hasanboy Do‘stmatov, Shahobiddin Zoirov, Murod Ahmadaliyev va Shahram G‘iyosov.
1 aprel kuni Uzbek Tigers jamoasi WSB guruh bosqichining so‘nggi turida Astana Arlans jamoasini qabul qiladi. Tomonlarning Qozog‘istondagi bellashuvi Uzbek Tigersning 1:4 hisobidagi mag‘lubiyati bilan yakuniga yetgan.
Qiziq tomoni, Bangkokdagi turnir 3-8 aprel kunlari bo‘lib o‘tadi. Astana Arlansga qarshi jang qiladigan uch bokschi — Hasanboy Do‘stmatov, Isroil Madrimov va Elnur Abduraimov oradan ikki kun o‘tib start oladigan turnirda ham O‘zbekiston sharafini himoya qilishi kerak.
Tailandga boradigan tarkib-49 kg: Hasanboy Do‘smatov
-52 kg: Jasur Latipov
-56 kg: Shahobiddin Zoirov
-60 kg: Murod Ahmadaliyev
-64 kg: Elnur Abduraimov
-69 kg: Shahram G‘iyosov
-75 kg: Isroil Madrimov
