FIFA 2015 yil iyun oyidan buyon davom etib kelgan korrupsiya mojarosi bo‘yicha tergovni yakunladi.
Bu boradagi barcha materiallar AQSH va Shveysariya hukumatiga jo‘natildi.
Eslatib o‘tamiz, 2015 yil may oyida, Syurixda tashkilotning 7 nafar mulozimi hibsga olingan edi. Bundan tashqari, jami 14 nafar mulozimga 150 mln dollar miqdorida pora olganlik aybi qo‘yilgandi.
FIFA 2,5 milliondan ortiq hujjatni taftishdan o‘tkazdi va ko‘plab guvohlarning ko‘rsatmalarini olganidan so‘ng, 1300 sahifadan iborat xulosani taqdim qildi. Bu boradagi barcha ma’lumotlar aprel oyida e’lon qilinadi.
