Toshkentning “Bunyodkor” futbol maktabining 2006 yilda tavallud topgan tarbiyalanuvchilari Rossiyadagi xalqaro turnir g‘olibi bo‘ldilar.

Avval xabar berib o‘tganimizdek, Akmal Risqullayev murabbiyligidagi “Bunyodkor-2006” jamoasi Stavropol o‘lkasida Rossiya qahramoni Vladislav Duxin xotirasiga bag‘ishlangan xalqaro musobaqaning finaliga yo‘llanma olishgan edi.

Hal qiluvchi bahsda vakillarimiz “Krasnodar” tarbiyalanuvchilari bilan kuch sinashishdi. Qiziqarli kechgan bahsda “Bunyodkor-2006” vakillari raqiblarini 2:1 hisobida mag‘lubiyatga uchratishib, bosh sovrin egasiga aylanishdi. Jamoamizga g‘alaba keltirgan gollarga Abdurahim Ismoilov hamda Islom Anvarov kiritishdi.

Musobaqa yakuniga ko‘ra, butun turnir davomida o‘z darvozasidan bironta ham gol o‘tkazib yubormagan posbonimiz Muslim Abdumannopov eng yaxshi darvozabon sovrinini qo‘lga kiritdi. Shuningdek, musobaqaning eng yaxshi futbolchisi nominasiyasida Shamsiddin Tursunmuhammadov g‘olib deb topildi.

Ushbu muvaffaqiyat bilan Akmal Risqullayev murabbiyligidagi “Bunyodkor-2003” a’zolarini tabriklaymiz.