Bugun «Sho‘rtan» klubining G‘uzordagi qarorgohida navbatdan tashqari yig‘ilish o‘tkazildi.
Unda jamoa rahbariyati, xodimlar, murabbiylar guruhi va futbolchilar ishtirok etishdi. «Sho‘rtan» klubining 2017 yil mavsumidagi 4ta uchrashuvdan so‘nggi 3tasida ketma-ket mag‘lubiyatga uchrab, qoniqarsiz natija ko‘rsatganligi, qolaversa bundan oldin ogohlantirilganiga qaramasdan, ishni to‘g‘ri yo‘lga qo‘ya olmagani uchun bosh murabbiy Aleksandr Volkov iste’foga chiqarildi.
Bundan tashqari, o‘z ustida ishlamagani va sport tayyorgarligini, jismoniy holatini pasaytirib yuborgani uchun futbolchilar Ruslan Vagapov hamda Jahongir Jiyamurodov bilan tuzilgan shartnoma muddatidan oldin bekor qilindi. Shu kunga qadar jamoada texnik direktor lavozimida ishlab kelayotgan Ixtiyor Karimov "Sho‘rtan"ga vaqtinchalik bosh murabbiy vazifasini bajaruvchi etib tayinlandi.
