Ispaniya chempionatining 29-turi doirasida "Barselona" safarda "Granada" mehmoni bo‘ldi. Kataloniyaliklar safida Lionel Messi harakat qilmaganiga qaramay, Enrike shogirdlari yirik hisobda g‘alabani tantana qilishdi.

Birinchi bo‘lim qahramoni sifatida "Granada" posboni Gilyermo Ochoani ta’kidlash lozim. Meksikalik darvozabon raqibning juda ko‘plab xavfli zarbalarini qaytarishga muvaffaq bo‘ldi. Shunga qaramay, birinchi bo‘lim tugash arafasida Luis Suares mezbonlar darvozasini ishg‘ol qildi.

Ikkinchi bo‘lim avvali granadaliklar uchun omadli keldi. Zaxiradan maydonga tushgan Jeremi Boga darvozabon yakkama-yakka vaziyatga chiqib ketib, hisobni tenglashtirdi.

"Barselona" yana hisobda oldinga chiqib olishi uchun 14 daqiqa kerak bo‘ldi. Suaresning uzatmasidan keyin Pako Alkaser darvozabon bilan birga-bir vaziyatga chiqib borib, o‘z maqsadiga erishdi.

So‘nggi daqiqalarda "ko‘k-anorranglilar" raqib darvozasiga yana 2 marta yo‘l topishdi. Dastlab Ivan Rakitich jarima maydonchasi chizig‘i ustida bergan zarba natijasida to‘p rekoshet holatda to‘rga borib tushdi. Qo‘shib berilgan daqiqalarda Neymar ham o‘z hisobiga bitta gol yozishga muvaffaq bo‘ldi. Bu braziliyalik futbolchining "Barsa" safidagi yubiley — 100-goli bo‘ldi.

Ushbu g‘alabadan keyin "Barselona"ning ochkolari soni 56taga yetdi. Jamoa "Real"dan 2 ochko ortda qolmoqda.

Ispaniya La ligasi, 29-tur
GRANADA – BARSELONA - 1:4 (0:1, 1:3)
2 aprel, 23.45, «Nuevo Los Karmenes»
Gollar: 0:1 – 44 Suares, 1:1 – 50 Boga, 1:2 – 64 Pako Alkaser, 1:3 – 83, avtogol SonYE, 1:4 – 90 Neymar.
Granada – Ochoa, Lomban, Silva (Kuenka, 78), Litri, SonYE, Angban (Boga, 46), Agbo, Muborak, Pereyra, FulkYE, Kraves (Ramos, 55).
Barselona – ter Shtegen, Maskerano, MatYE, Alba, Rakitich (Alenya, 87), Serji Roberto, Andre Gomesh (Inyesta, 67), Buskets, Rafinya (Pako Alkaser, 17), Neymar, Suares.
Ogohlantirishlar: Serji Roberto (28), Lomban (59), Alba (60), Rakitich (77), Agbo (79).
Chetlatish: Agbo (82).