Ispaniyaning Sport nashri «Barselona» futbolchilarini qoniqtiradigan yangi bosh murabbiy kim ekanini ma’lum qildi.
Xabarga ko‘ra, Luis Enrikening yordamchisi Xuan Karlos Unsue nomzodi Kataloniya klubi futbolchilari tomonidan ma’qullanmoqda. Klub rahbariyati ham bu masalada futbolchilarning fikrini inobatga olmoqchi. Bu borada o‘tkazilgan suhbat davomida futbolchilar Unsue nomzodiga qarshi emasliklarini aytishgan.
Avvalroq, Unsue «Barselona»ni boshqarishga tayyor ekanini ma’lum qilgan edi. Eslatib o‘tamiz, Luis Enrike mavsum oxirida jamoani tark etishi haqida ma’lum qilgan.
