Bwin kompaniyasi tadqiqotiga ko‘ra, transfer bozorida yangi rekord o‘rnatadigan futbolchining nomi aniqlandi.

Mutaxassislar fikriga ko‘ra, 100 mln funt narxga sotiladigan ilk futbolchi - «Borussiya» D hujumchisi Pyer-Emerik Obameyang bo‘ladi.

Tadqiqotda futbolchining yoshi, ampluasi va klubining maqomi hisobga olindi.

Germaniya chempionatining joriy mavsumida gabonlik 27 yoshli hujumchi 25 gol urishga muvaffaq bo‘lgan. U bilan bir qator grandlar, xususan «Real» ham qiziqmoqda.

Bwin fikriga ko‘ra, narxi 100 mln funt bo‘ladigan ikkinchi futbolchi - «Tottenhem» hujumchisi Harri Keyn.

Eslatib o‘tamiz, ayni paytda transfer rekordi "Yuventus"dan «MYU»ga o‘tgan yarimhimoyachi Pol Pogbaga tegishli – 89,3 mln funt yoki 105 mln yevro.