Bwin компанияси тадқиқотига кўра, трансфер бозорида янги рекорд ўрнатадиган футболчининг номи аниқланди.
Мутахассислар фикрига кўра, 100 млн фунт нархга сотиладиган илк футболчи - «Боруссия» Д ҳужумчиси Пьер-Эмерик Обамеянг бўлади.
Тадқиқотда футболчининг ёши, амплуаси ва клубининг мақоми ҳисобга олинди.
Германия чемпионатининг жорий мавсумида габонлик 27 ёшли ҳужумчи 25 гол уришга муваффақ бўлган. У билан бир қатор грандлар, хусусан «Реал» ҳам қизиқмоқда.
Bwin фикрига кўра, нархи 100 млн фунт бўладиган иккинчи футболчи - «Тоттенҳэм» ҳужумчиси Ҳарри Кейн.
Эслатиб ўтамиз, айни пайтда трансфер рекорди "Ювентус"дан «МЮ»га ўтган яримҳимоячи Поль Погбага тегишли – 89,3 млн фунт ёки 105 млн евро.