"Barselona" bosh murabbiyi Luis Enrike Ispaniya chempionatida "Malaga"dan uchralgan mag‘lubiyatdan so‘ng (0:2) fikrlari bilan o‘rtoqlashdi

"Neymarga sariq kartochkalar noodatiy tarzda ko‘rsatildi, deb o‘ylayman. O‘yinda htiyot bo‘lishimiz kerak. Ba’zi vaziyatlarda "Maoaga" futbolchilari qo‘pol o‘ynadilar va ogohlantirilishi kerak edi. Neymar esa butsasi bog‘ichini bog‘lab olgani uchun sariq kartochka oldi.

Bunga xotirjam munosabatda bo‘lishimiz kerak.

"Real" bilan o‘yin chempionat taqdirini hal qilmaydi. Agar uni yutgan taqdirimizda ham hech narsa o‘zgarmaydi. La liga raqobatbardosh bo‘lib borayotgani yaxshi - chempionat qizimoqda.

Ko‘p ochko jamg‘argan jamoa chempion bo‘ladi. "Malaga" bilan o‘yinda imkoniyatlarimiz ko‘p bo‘ldi.

Biz ko‘p vaziyatlar yaratdik, keyin raqib tasodifan to‘pni oldinga yetkazdi va gol urdi. Ikkinchi bo‘limda kamchilik bo‘lib ham ustunlik qildik, ammo o‘yin oxirida ikkinchi golni urishdi.

Bunday natijani kutmagan edik va ko‘prog‘iga munosib edik", - deydi Enrike.