"Liverpul" bosh murabbiyi Yurgen Klopp APLning 32-turida "Stok Siti" ustidan qozonilgan g‘alabadan so‘ng fikrlari bilan o‘rtoqlashdi.

"Ikinchi bo‘lim yaxshi o‘tdi. O‘yinning katta qismini past tempda o‘tkazdik. Birinchi bo‘limda biz futbol o‘ynamadik. "Stok" bu o‘yinga yaxshi tayyorgarlik ko‘rgani ko‘rinib turdi, ammo ulardan goldan tashqari vaziyatlar bo‘lmadi.

Omadsiz birinchi bo‘limdan so‘ng ham o‘zimizga bo‘lgan ishonch yuqori edi. Simon Minyole bir nechta seyvlarni amalga oshirdi. Bu vaziyatlarda u zo‘r o‘yin ko‘rsatdi. U bugungi o‘yinni saqlab qoldi", - deydi Klopp.