«MYU» bosh murabbiyi Joze Mourino «Sanderlend»ga (3:0) qarshi o‘yindagi g‘alabadan mamnun ekanini yashirmadi.

«Ajoyib natija. «Liverpul» va «Siti» ortidan biz ham yutdik. Bugun g‘alaba qozonishimiz shart edi va biz qozondik.

Yaxshi o‘ynadik va uch ochkoga ega bo‘ldik. APLda jon saqlab qolish uchun kurashayotgan jamoaga tezroq gol urish muhim. «Sanderlend»ni kuchsiz jamoa ekani ko‘rinib turdi, ular bosim ostida o‘ynashdi.

0:0 hisobida har narsa ro‘y berishi mumkin edi. Ibrohimovchidek futbolchilar mana shunday vaziyatlarda kerak bo‘ladi. Zlatan gol urdi va shundan so‘ng o‘yin bizniki ekanini anglab yetdik» - dedi Mourino.