Rossiyalik milliarder Alisher Usmonov «Paxtakor» klubi aksiyalarining bir qismini sotib oldi.
63 yoshli tadbirkor asli o‘zbekistonlik bo‘lib, avval ham mamlakat sporti va madaniyatining rivojlanishi uchun sarmoya kiritishga tayyor ekanini ta’kidlab kelayotgandi. Ayni paytda Usmonov Xalqaro qilichbozlik federasiyasiga ham rahbarlik qiladi va Londonning «Arsenal» klubining 30% aksiyasiga ham ega.
10 aprel kuni Toshkentning “Paxtakor” klubida o‘tkazilgan yig‘ilishda Alisher Usmonov “Paxtakor”ning yangi aksioneri sifatida e’lon qilindi. Shuningdek, MOQ vise-prezidenti, O‘zbekiston Paralimpiya assosiasiyasi raisining o‘rinbosari Umid Axmatdjanov “Paxtakor” klubining bosh direktori etib tayinlandi.
2017 yil fevral oyida Forbesjurnali e’lon qilgan ma’lumotlarga ko‘ra, Usmonov 15,2 milliard dollar boyligi bilan rossiyaliklar orasida 5-o‘ringa, dunyo reytingida esa 66-o‘rinda bormoqda.
