Россиялик миллиардер Алишер Усмонов «Пахтакор» клуби акцияларининг бир қисмини сотиб олди.
63 ёшли тадбиркор асли ўзбекистонлик бўлиб, аввал ҳам мамлакат спорти ва маданиятининг ривожланиши учун сармоя киритишга тайёр эканини таъкидлаб келаётганди. Айни пайтда Усмонов Халқаро қиличбозлик федерациясига ҳам раҳбарлик қилади ва Лондоннинг «Арсенал» клубининг 30% акциясига ҳам эга.
10 апрель куни Тошкентнинг “Пахтакор” клубида ўтказилган йиғилишда Алишер Усмонов “Пахтакор”нинг янги акционери сифатида эълон қилинди. Шунингдек, МОҚ вице-президенти, Ўзбекистон Паралимпия ассоциацияси раисининг ўринбосари Умид Ахматджанов “Пахтакор” клубининг бош директори этиб тайинланди.
2017 йил февраль ойида Forbesжурнали эълон қилган маълумотларга кўра, Усмонов 15,2 миллиард доллар бойлиги билан россияликлар орасида 5-ўринга, дунё рейтингида эса 66-ўринда бормоқда.
