Angliya chempionatining 32-turi doirasida "Arsenal" safarda "Kristal Pelas" mehmoni bo‘lmoqda. Arsen Vengen shogirdlari, kutilmaganda, bu bahsda yirik hisobda imkoniyatni boy berib qo‘yishdi.

O‘yinning 17-daqiqasida Taunsend mezbonlarni hisobda oldinga olib chiqdi. "Kanonirlar" to‘pni nazorat qilish bo‘yicha ustunlikka ega bo‘lishdi, ammo bu jihat ularga hech qanday naf keltirmadi. "Kristal" futbolchilar himoyada tartibli, hujumda esa o‘tkirroq harakat qilishdi va natijada yirik hisobda g‘alaba qozonishdi.

Ikkinchi bo‘limning 63 va 68-daqiqalari oralig‘ida urilgan gollar natijasida hisob yirik ko‘rinishga keltirildi. Ushbu g‘alaba tufayli "Kristal Pelas" APLda jon saqlab qolish imkoniyatini oshirib oldi. "Arsenal" esa 6-o‘ringa tushib qoldi hamda kuchli to‘rtlikka kirish imkoniyatini ancha pasaytirib yubordi.

APL, 32-tur
Kristal Pelas – Arsenal 3:0 (1:0, 2:0)
Gollar: 1:0 – 17 Taunsend, 2:0 – 63 Kabay, 3:0 – 68, penalti Milivoyevich.
Kristal Pelas – Xennessi, Uord, Kelli, Sako, Shlupp, Milivoyevich (Flamini, 82), Kabay (Makartur, 74), Zaa (Dileyni, 88), Panchon, Taunsend, Benteke.
Arsenal – Martines, Belyerin, Mustafi, Gabriel, Monreal, Jaka, El-Nenni (Remzi, 59), Uolkott (Oksleyd-CHemberlen, 69), O‘zil, Sanches, Uelbek (Jiru, 60).
Ogohlantirishlar: Mustafi (22).