Англия чемпионатининг 32-тури доирасида "Арсенал" сафарда "Кристал Пэлас" меҳмони бўлмоқда. Арсен Венген шогирдлари, кутилмаганда, бу баҳсда йирик ҳисобда имкониятни бой бериб қўйишди.

Ўйиннинг 17-дақиқасида Таунсенд мезбонларни ҳисобда олдинга олиб чиқди. "Канонирлар" тўпни назорат қилиш бўйича устунликка эга бўлишди, аммо бу жиҳат уларга ҳеч қандай наф келтирмади. "Кристал" футболчилар ҳимояда тартибли, ҳужумда эса ўткирроқ ҳаракат қилишди ва натижада йирик ҳисобда ғалаба қозонишди.

Иккинчи бўлимнинг 63 ва 68-дақиқалари оралиғида урилган голлар натижасида ҳисоб йирик кўринишга келтирилди. Ушбу ғалаба туфайли "Кристал Пэлас" АПЛда жон сақлаб қолиш имкониятини ошириб олди. "Арсенал" эса 6-ўринга тушиб қолди ҳамда кучли тўртликка кириш имкониятини анча пасайтириб юборди.

АПЛ, 32-тур
Кристал Пэлас – Арсенал 3:0 (1:0, 2:0)
Голлар: 1:0 – 17 Таунсенд, 2:0 – 63 Кабай, 3:0 – 68, пенальти Миливоевич.
Кристал Пэлас – Хеннесси, Уорд, Келли, Сако, Шлупп, Миливоевич (Фламини, 82), Кабай (Макартур, 74), Заа (Дилэйни, 88), Панчон, Таунсенд, Бентеке.
Арсенал – Мартинес, Бельерин, Мустафи, Габриэл, Монреаль, Жака, Эл-Ненни (Рэмзи, 59), Уолкотт (Окслейд-Чемберлен, 69), Ўзил, Санчес, Уэлбек (Жиру, 60).
Огоҳлантиришлар: Мустафи (22).