Boks bo‘yicha O‘zbekiston terma jamaosi a’zolari Tailand mamlakatida bo‘lib o‘tgan “Qirol kubogi 2017” turnirida ishtirok etib yurtimizga qaytib kelishdi. Toshkent shahri mezbonlik qiladigan Osiyo chempionati oldidan o‘tkazilgan ushbu musobaqada terma jamaomizning yetakchi bokschilari o‘z imkoniyatlarini yana bir bor sinovdan o‘tkazdilar.

"Qirol kubogi" xalqaro turnirida ishtirok etgan terma jamoamizning barcha – 7 nafar a’zosi mesobaqada sovrindor bo‘lishga erishdi. Bokschilarimizdan Shahobiddin Zoirov, Murodjon Ahmadaliyev hamda Jasurbek Latipov bronza medalni qo‘lga kiritishdi. Hasanboy Do‘smatov, Shahram G‘iyosov hamda Elnur Abduraimov kumush mudal sohibiga aylanishdi. Aslida Hasanboy Do‘smatov hamda Shahram G‘iyosov oltin medalni ham qo‘lga kirtishi mumkin edi. Biroq, terma jamoa murabbiylari qarori bilan bu bokschilarimiz final bahsida ishtirok etishmadi. Bundan ko‘zlangan maqsad sportchilarni Osiyo o‘yinlari oldidan jarohatdan saqlash bo‘ldi.

"Qirol kubogi"da terma jamoamiz hisobiga yagona oltin medalni 75kg vazn toifasida ishtirok etgan Isroil Madrimov olib berdi. Madrimov finalda kubalik Estrada Eglesias bilan jang olib borib ishonchli g‘alaba erishdi.

Endilikda bokschilarimiz, Toshkent viloyatida joylashgan o‘quv-mashg‘ulot bazasida Osiyo chempionatiga tayyorgarlikni davom ettirishadi. Mazkur musobaqa 30 aprel kunidan 7 may kunigacha Toshkent shahrida bo‘lib o‘tadi.