«Milan» prezidenti Silvio Berluskoni jamoa muxlislari bilan ta’sirchan xayrlashdi.

«30 yillik faoliyatimdan so‘ng klubni g‘am va alam bilan tark etmoqdaman. Ammo bilamanki, zamonaviy futbolda yutuqqa erishish uchun katta mablag‘larni sarflash kerak. Oilam esa bunga qodir emas.

«Milan» menga hadya qilga hissiyotlarni hech qachon unutmayman. Futbol tarixidan o‘rin olgan yutuqlarga olib kelgan barcha murabbiy va futbolchilarga minnatdorchilik bildiraman. Ayniqsa, «Milan»ning motoriga aylangan Adriano Gallianidan minnatdorman.

Barcha muxlislarimizga qalbdan rahmat aytaman. «Milan» sizlar tufayli mavjud bo‘lgan, barcha sovrinlarni sizlarning daldangiz bilan qo‘lga kiritgan.

Umrbod «Milan»ning muxlisi bo‘lib qolaman. Yangi xo‘jayinlarga yanada yuqori cho‘qqilarni egallashini tilayman» - dedi Berluskoni.

Silvio Berluskoni 31 yil davomida «Milan» klubiga egalik qildi. Jamoa bu vaqt ichida Yevropa va Italiyada 29ta sovrinni yutib oldi. Bugundan boshlab klub xitoylik investorlarning qo‘liga o‘tdi.