«Manchester Yunayted» bosh murabbiyi Joze Mourino APL 33-turidan o‘rin olgan «Chelsi» klubiga qarshi o‘yin haqida gapirdi.

«Bu o‘yin hissiyotlarga boy bo‘ladi deyapsiz, ammo uni boshqalardan ajratib turadigan jihatini ko‘rmayapman. Men uchun bu oddiy o‘yin bo‘ladi.

Agar ikki jamoani taqqoslaydigan bo‘lsak, birining futbolchilari yaxshi dam olgan, ikkinchisiniki charchaganini ko‘ramiz. Ammo ular juda kam charchagani uchun chempionatda peshqadamlik qilmayapti, balki individual va jamoaviy o‘yinining kuchliligi sababli jadvalda peshqadam bo‘lib turibdi.

Ular o‘z ishini juda yaxshi bajarmoqda. Bu juda kuchli jamoadir» - dedi Mourino «MYU» matbuot xizmati xabarida.

Eslatib o‘tamiz, «Manchester Yunayted» - «Chelsi» o‘yini 16 aprel kuni soat 20:00da boshlanadi.