«Манчестер Юнайтед» бош мураббийи Жозе Моуриньо АПЛ 33-туридан ўрин олган «Челси» клубига қарши ўйин ҳақида гапирди.

«Бу ўйин ҳиссиётларга бой бўлади деяпсиз, аммо уни бошқалардан ажратиб турадиган жиҳатини кўрмаяпман. Мен учун бу оддий ўйин бўлади.

Агар икки жамоани таққослайдиган бўлсак, бирининг футболчилари яхши дам олган, иккинчисиники чарчаганини кўрамиз. Аммо улар жуда кам чарчагани учун чемпионатда пешқадамлик қилмаяпти, балки индивидуал ва жамоавий ўйинининг кучлилиги сабабли жадвалда пешқадам бўлиб турибди.

Улар ўз ишини жуда яхши бажармоқда. Бу жуда кучли жамоадир» - деди Моуриньо «МЮ» матбуот хизмати хабарида.

Эслатиб ўтамиз, «Манчестер Юнайтед» - «Челси» ўйини 16 апрель куни соат 20:00да бошланади.