Bugun yoshlar ligasi doirasida “Dinamo”-“Buxoro” uchrashuvi bo‘lib o‘tdi. Ancha qiziqarli kechgan bahsda buxorolik yoshlar 2:1 hisobida samarqandliklarni mag‘lubiyatga uchratishdi.
Uchrashuvning 46-daqiqasida Jasur Hasanov raqibning ikki himoyachisini aldab o‘tib, chiroyli golga mualliflik qildi va uchrashuvda hisobni ochdi.
Oradan ko‘p o‘tmay, ya’ni 49-daqiqada “Buxoro” ikkinchi to‘pni kiritishga erishdi. Bu vaziyatda Jasur Hasanov golga asistentlik qildi. O‘ng qanotdan birin-ketin raqib futbolchilarini aldab o‘tgan Hasanov chiroyli to‘p uzatishi bilan Xurshid Olimovni to‘p bilan ta’minladi. Olimov esa yaqin masofadan xech qanday qiyinchiliksiz raqib darvozasini ishg‘ol qildi.
Uchrashuvning 73-daqiqasida mezbonlar hisobni qisqartirishdi. Fayzullayevning chamasi 25 metrlar uzoqlikdan yo‘llagan kuchli zarbasi golga aylandi. Uchrashuvda boshqa to‘p kiritilmadi va “Buxoro” yoshlari ushbu mavsumda ilk safardagi g‘alabani rasmiylashtirishdi.
Yoshlar ligasi. 6-tur.
“Dinamo”– “Buxoro” 1:2
Gollar: Timur Fayzullayev 73 - Jasur Hasanov 46, Xurshid Olimov 49
"Dinamo": Rustam Toshturdiyev, Hakimjon Alamxonov, Shahzod Soitov, Laziz Nuriddinov, Komil Sharofutdinov, Firdavs Abdusalimov, Timur Fayzullayev, Omad Tayloqov, Asomiddin Mamatov, Saidjamol Davlatjonov, Islom Sharipov
Zaxira: Farhod Rahmonov, Timur Ergashev, Iskandar Xolmirzayev, Umedjon Rajabov, Timur Ablametov, Orzumurod Ahmedov, Ramish Bobomurzoyev
"Buxoro": Shohjahon Nasimov, Ozodbek Qurbonov, Mirjalol Jumayev, Suhrob Ismatov, Islom Xoliqov, Ravshan Yangiyev, Mirfayz Muhiddinov, Rahmon Ochilov, Jasur Hasanov, Narimon Hasanov, Akobir To‘rayev
Zaxira: Muhiddin Xudoyorov, Xurshid Olimov, Bahrom Narzullayev, Rabbim Hasanov, Burxon Hasanov
