Бугун ёшлар лигаси доирасида “Динамо”-“Бухоро” учрашуви бўлиб ўтди. Анча қизиқарли кечган баҳсда бухоролик ёшлар 2:1 ҳисобида самарқандликларни мағлубиятга учратишди.
Учрашувнинг 46-дақиқасида Жасур Ҳасанов рақибнинг икки ҳимоячисини алдаб ўтиб, чиройли голга муаллифлик қилди ва учрашувда ҳисобни очди.
Орадан кўп ўтмай, яъни 49-дақиқада “Бухоро” иккинчи тўпни киритишга эришди. Бу вазиятда Жасур Ҳасанов голга асистентлик қилди. Ўнг қанотдан бирин-кетин рақиб футболчиларини алдаб ўтган Ҳасанов чиройли тўп узатиши билан Хуршид Олимовни тўп билан таъминлади. Олимов эса яқин масофадан хеч қандай қийинчиликсиз рақиб дарвозасини ишғол қилди.
Учрашувнинг 73-дақиқасида мезбонлар ҳисобни қисқартиришди. Файзуллаевнинг чамаси 25 метрлар узоқликдан йўллаган кучли зарбаси голга айланди. Учрашувда бошқа тўп киритилмади ва “Бухоро” ёшлари ушбу мавсумда илк сафардаги ғалабани расмийлаштиришди.
Ёшлар лигаси. 6-тур.
“Динамо”– “Бухоро” 1:2
Голлар: Тимур Файзуллаев 73 - Жасур Ҳасанов 46, Хуршид Олимов 49
"Динамо": Рустам Тоштурдиев, Ҳакимжон Аламхонов, Шаҳзод Соитов, Лазиз Нуриддинов, Комил Шарофутдинов, Фирдавс Абдусалимов, Тимур Файзуллаев, Омад Тайлоқов, Асомиддин Маматов, Саиджамол Давлатжонов, Ислом Шарипов
Захира: Фарҳод Раҳмонов, Тимур Эргашев, Искандар Холмирзаев, Умеджон Ражабов, Тимур Абламетов, Орзумурод Аҳмедов, Рамиш Бобомурзоев
"Бухоро": Шоҳжаҳон Насимов, Озодбек Қурбонов, Миржалол Жумаев, Суҳроб Исматов, Ислом Холиқов, Равшан Янгиев, Мирфайз Муҳиддинов, Раҳмон Очилов, Жасур Ҳасанов, Наримон Ҳасанов, Акобир Тўраев
Захира: Муҳиддин Худоёров, Хуршид Олимов, Баҳром Нарзуллаев, Раббим Ҳасанов, Бурхон Ҳасанов
