Italiya chempionatining 32-turidan o‘rin olgan “Roma”– “Atalanta” uchrashuvi (1:1) dan so‘ng mezbonlar hujumchisi Edin Jeko “Yuventus”dan bo‘layotgan qiziqishlarga o‘z fikrini bildirdi.
“Biz “Atalanta”ga qarshi uchrashuvning birinchi bo‘limida yaxshi o‘yin ko‘rsata olmadik, natijada ochko yo‘qotdik.
“Yuventus”ga o‘tish meni qiziqtirmaydi, hech qachon Turinga ko‘chib o‘tmayman. Keyingi turda bo‘lib o‘tadigan “Yuventus” – “Atalanta” uchrashuvi haqida gapirmoqchimasman.
Mening o‘y – hayollarim faqat “Peskara”ga qarshi uchrashuvga qaratilgan”, - deydi Jeko Football Italia nashriga.
