"Atletiko" bosh murabbiyi Diyego Simeone o‘zining Argentina terma jamoasi bosh murabbiyi vazifasiga asosiy nomzod ekanligi borasidagi xabarlarga izoh berdi.
"Argentina futbol federasiyasidagilardan hech kim bilan gaplashmadim. Terma jamoaning ahvoli juda xavotirli, bu faqat ishqibozlarni emas, butun mamlakatni tashvishga solyapti. Qaror qabul qiluvchi odamlar butun ma’suliyatni o‘z bo‘yniga olishi va terma jamoada vaziyatni o‘nglashi kerak", - deydi Simeone.
Argentina terma jamoasi JCH-2018 saralashining Janubiy Amerika mintaqasida 14 uchrashuvdan so‘ng 5-o‘rinda bormoqda.
