"Атлетико" бош мураббийи Диего Симеоне ўзининг Аргентина терма жамоаси бош мураббийи вазифасига асосий номзод эканлиги борасидаги хабарларга изоҳ берди.
"Аргентина футбол федерациясидагилардан ҳеч ким билан гаплашмадим. Терма жамоанинг аҳволи жуда хавотирли, бу фақат ишқибозларни эмас, бутун мамлакатни ташвишга соляпти. Қарор қабул қилувчи одамлар бутун маъсулиятни ўз бўйнига олиши ва терма жамоада вазиятни ўнглаши керак", - дейди Симеоне.
Аргентина терма жамоаси ЖЧ-2018 саралашининг Жанубий Америка минтақасида 14 учрашувдан сўнг 5-ўринда бормоқда.
