Futzal bo‘yicha O‘zbekiston U-20 terma jamoasi shu yilning 25–26 aprel kunlari Toshkent shahrida Tojikiston U-20 termasiga qarshi ikkita nazorat uchrashuvini o‘tkazadi.
Bu ushbu jamoalarning o‘zaro ilk to‘qnashuvlari emas. Avvalroq, O‘zbekiston va Tojikiston yoshlari 27 va 28 yanvar kunlari Toshkentda ikkita o‘rtoqlik o‘yini o‘tkazishgan edi.
Mazkur bellashuvlar 2017 yilning 16–26 may kunlari Tailandda, tarixda ilk marotaba o‘tkaziladigan U-20 Osiyo chempionatiga tayyorgarlik vazifasini o‘taydi.
Eslatib o‘tamiz, 30 mart kuni bo‘lib o‘tgan qur’a natijasiga ko‘ra, O‘zbekiston U-20 termasi “S” guruhidan joy oldi va pley-off yo‘llanmasi uchun Qatar, Livan, Myanma va Gongkong yoshlariga qarshi bahs olib boradi.
