Diario Gol nashrining xabariga ko‘ra, “Real” bosh murabbiyi Zinedin Zidan Florentino Peresdan “Liverpul” klubi yarim himoyachisi Felipe Koutinyoni sotib olishni so‘ragan.
Manbaning xabariga ko‘ra, fransiyalik mutaxassis braziliyalik futbolchini o‘z jamoasi tarkibida ko‘rishni istamoqda.
Shuningdek, Koutinyoning vatandoshlari Neymar va Ronaldinyo futbolchini “Barselona”ga o‘tishga ko‘ndirishga harakat qilishmoqda. Ular Koutinyoga “Barselona”ning o‘yin uslubi mos kelishini aytib o‘tishgan.
Sportskeeda nashri talqini bo‘yicha, “Real” yozgi transferlar mavsumida birgina Koutinyo xaridi bilan cheklanib qolmoqchi emas. Madridliklar yozgi transferlar mavsumida katta transferlarga qo‘l urishlari kutilmoqda.
