22 aprel shanba kuni Qo‘qondagi “Markaziy” o‘yingohda Oliy liga 7-turidan o‘rin olgan “Qo‘qon-1912” – “Metallurg” uchrashuvi bo‘lib o‘tadi. Quyida mazkur jamoalarning o‘zaro o‘yindagi statistik ma’lumotlarni taqdim etamiz.
15-uchrashuv arafasida
Ushbu jamoalar shu kunga qadar Oliy ligada 14 bor kuch sinashishgan. O‘yinlarning yettitasida vakillarimizning qo‘li baland kelgan. “Metallurg” beshta uchrashuvda g‘alaba qozongan. Ikkita bahsda g‘olib nomi aniqlanmagan. To‘plar nisbatidagi ustunlik qo‘qonliklar tomonida 24-21. “Qo‘qon-1912” o‘zaro o‘yinlarda 23 ochkoga ega bo‘lgan. “Metallurg” to‘plagan ochkolar esa 17 tani tashkil etadi.
Fakt: Bekobodliklar shu kunga qadar biror marta Qo‘qonda g‘alaba qozona olishmagan. “Qo‘qon-1912” esa o‘z maydonidagi oltita bahsda raqibdan ustun kelgan.
Qo‘qonda o‘tgan barcha uchrashuvlar:
17.09.2016 «Qo‘qon-1912» – «Metallurg» 2:1
25.10.2015 «Qo‘qon-1912» – «Metallurg» 2:1
13.09.2003 «Qo‘qon-1912» – «Metallurg» 4:0
23.11.2002 «Qo‘qon-1912» – «Metallurg» 1:0
29.04.2000 «Qo‘qon-1912» – «Metallurg» 2:0
02.10.1999 «Qo‘qon-1912» – «Metallurg» 5:1
05.09.1998 «Qo‘qon-1912» – «Metallurg» 1:1
Hakamlar
22 aprel kuni Qo‘qonda bo‘lib o‘tadigan “Qo‘qon-1912” – “Metallurg” o‘yinini Olimjon Tolibjonov boshchiligidagi hakamlar boshqarib borishadi. Uchrashuv nazoratchisi Igor Nexochin.
Aytgancha, o‘tgan yili ushbu hakam “Qo‘qon-1912” jamoasining uchta o‘yinini boshqargan. Ulardan ikkitasi Qo‘qondagi uchrashuvga to‘g‘ri kelgan.
Oliy liga, 7-tur
«Qo‘qon-1912» (Qo‘qon) – «Metallurg» (Bekobod)
Hakamlar: O. Tolibjonov (Toshkent), N. Ro‘zimov (Toshkent), S. Yeremeev (Toshkent), A. Rubakov (Toshkent)
Nazoratchi: I. Nexochin (Namangan).
Boshlanish vaqtlari
Mazkur uchrashuv 22 aprel kuni soat 17:00da boshlanishi kuzda tutilgan. 21 aprel kuni esa ushbu jamoalarning o‘rinbosarlari maydonga tushishadi. O‘yin 15:30da boshlanadi. Barcha muxlislarimizni “Markaziy” o‘yingohga chorlab qolamiz.
