Yevropa chempionlar ligasining 1/4 final «Real» – «Bavariya» uchrashuvini boshqarib borgan vengriyalik Viktor Kashshai yana bir bor shov-shuvga sabab bo‘lgan voqeaga aralashib qoldi.
Nemis jurnalistlari Kashshaini o‘yindan keyin Madriddagi eng mashhur maskanlardan biri «Meson Txistu»da uchratib qolishgan. TZ nashri bergan xabarga ko‘ra, bu joyda har doim «Real» futbolchilari tashrif buyurib kelishgan. Madridliklar o‘yinlardan keyin ko‘pincha aynan shu yerda kechki ovqatni tanovvul qilishga kelib yurishgan.
Germaniyada Kashshai «Bavariya»ning YECHLdan chiqib ketishiga sababchi bo‘lgan shaxs sifatida keskin ravishda tanqid qilinmoqda. Nemis jurnalistlarining fikricha, Madriddagi restoranga tashrif vengriyalik mutaxassisning «Real»ga simpatiyasi borligini tasdiqlab turibdi.
