Европа чемпионлар лигасининг 1/4 финал «Реал» – «Бавария» учрашувини бошқариб борган венгриялик Виктор Кашшаи яна бир бор шов-шувга сабаб бўлган воқеага аралашиб қолди.

Немис журналистлари Кашшаини ўйиндан кейин Мадриддаги энг машҳур масканлардан бири «Mesоn Txistu»да учратиб қолишган. TZ нашри берган хабарга кўра, бу жойда ҳар доим «Реал» футболчилари ташриф буюриб келишган. Мадридликлар ўйинлардан кейин кўпинча айнан шу ерда кечки овқатни тановвул қилишга келиб юришган.

Германияда Кашшаи «Бавария»нинг ЕЧЛдан чиқиб кетишига сабабчи бўлган шахс сифатида кескин равишда танқид қилинмоқда. Немис журналистларининг фикрича, Мадриддаги ресторанга ташриф венгриялик мутахассиснинг «Реал»га симпатияси борлигини тасдиқлаб турибди.