Yevropa ligasida yarimfinal o‘yinlariga qur’a tashlash marosimi o‘tkaziladi.
Shu haqda batafsil ma’lumot berib o‘tamiz.
Yarimfinal ishtirokchilari
"Ayaks" (Gollandiya)
"Lion" (Fransiya)
"Manchester Yunayted" (Angliya)
"Selta" (Ispaniya)
Qur’a tashlash marosimi UYEFA shtab-kvartirasi joylashgan Shveysariyaning Nyon shahrida bo‘lib o‘tadi. Qur’a Toshkent vaqti bilan 16:00da boshlanadi.
Qur’ada jamoalar savatchalarga ajratilmaydi. Istalgan klub istalgan jamoaga qarshi to‘qnash kelishi mumkin.
Yarimfinalning dastlabki o‘yinlari 4 may, javob bahslari bir haftadan keyin — 11 may kuni o‘tkaziladi. Qur’ada nomi birinchi chiqqan jamoa ilk bahsni o‘z uyida o‘tkazadi.
Yarimfinalga qur’a tashlash marosimida final o‘yinidagi nominal mezbon juftlik nomi ham aniqlanadi — 1-yarim final juftlik g‘olibi yoki 2-yarim final juftlik g‘olibi.
Final 24 may kuni Stokgolm shahridagi "Frends Arene" stadionida bo‘lib o‘tadi.
16:00 - Yevropa ligasi yarimfinal o‘yinlariga qur’a tashlash marosimi boshlandi.
16:05 - Final o‘yini o‘tkaziladigan Stokgolm shahri tanishtirildi.
16:10 - Yarimfinalchi jamoalar tanishtirilmoqda.
16:15 - Qur’a jarayoni boshlandi. Uni Patrik Andersson olib boradi.
- "Ayaks" - "Lion"
- "Selta" - "Manchester Yunayted"
Eslatib o‘tamiz, dastlabki o‘yinlar nomi birinchi ko‘rsatilgan jamoalar maydonida o‘tkaziladi.
E’tiboringiz uchun rahmat!
