Европа лигасида яримфинал ўйинларига қуръа ташлаш маросими ўтказилади.
Шу ҳақда батафсил маълумот бериб ўтамиз.
Яримфинал иштирокчилари
"Аякс" (Голландия)
"Лион" (Франция)
"Манчестер Юнайтед" (Англия)
"Сельта" (Испания)
Қуръа ташлаш маросими УЕФА штаб-квартираси жойлашган Швейцариянинг Ньон шаҳрида бўлиб ўтади. Қуръа Тошкент вақти билан 16:00да бошланади.
Қуръада жамоалар саватчаларга ажратилмайди. Исталган клуб исталган жамоага қарши тўқнаш келиши мумкин.
Яримфиналнинг дастлабки ўйинлари 4 май, жавоб баҳслари бир ҳафтадан кейин — 11 май куни ўтказилади. Қуръада номи биринчи чиққан жамоа илк баҳсни ўз уйида ўтказади.
Яримфиналга қуръа ташлаш маросимида финал ўйинидаги номинал мезбон жуфтлик номи ҳам аниқланади — 1-ярим финал жуфтлик ғолиби ёки 2-ярим финал жуфтлик ғолиби.
Финал 24 май куни Стокгольм шаҳридаги "Френдс Арене" стадионида бўлиб ўтади.
16:00 - Европа лигаси яримфинал ўйинларига қуръа ташлаш маросими бошланди.
16:05 - Финал ўйини ўтказиладиган Стокгольм шаҳри таништирилди.
16:10 - Яримфиналчи жамоалар таништирилмоқда.
16:15 - Қуръа жараёни бошланди. Уни Патрик Андерссон олиб боради.
- "Аякс" - "Лион"
- "Сельта" - "Манчестер Юнайтед"
Эслатиб ўтамиз, дастлабки ўйинлар номи биринчи кўрсатилган жамоалар майдонида ўтказилади.
Эътиборингиз учун раҳмат!
