Angliyada kubogida dastlabki yarimfinal o‘yini o‘tkazildi.
Londonning «Uembli» stadionida «Chelsi» va «Tottenhem» bahs olib bordi. 5-daqiqada Villian jarima zarbasini qoyilmaqom tarzda amalga oshirib, hisobni ochdi. Biroq, 18-daqiqada o‘ng qanotdan oshirilgan to‘pni Harri Keyn boshi bilan darvozaga yo‘llab, hisobni tenglashtirdi. Bo‘lim oxirida Villian penaltini aniq amalga oshirib, «ko‘klar»ni yana hisobda oldinga olib chiqdi.
Ikkinchi bo‘limda Dele Alli hisobni tenglashtirdi. Shundan so‘ng, Antonio Konte maydonga Eden Azarni tushirdi. Bu esa o‘yin yo‘nalishini umuman o‘zgartirib yubordi.
75-daqiqada Azar jarima maydoni chizig‘idan zarba yo‘llab, jamoasini hisobda oldinga olib chiqdi. Oradan biroz o‘tgach, uning to‘p uzatishidan so‘ng, Matich uzoq masofadan kuchli zarba yo‘llab, juda chiroyli gol muallifi bo‘ldi va yakuniy natijaga nuqta qo‘ydi.
Angliya kubogi, 1/2 final
Chelsi – Tottenhem 4:2 (2:1)
22 aprel, London, «Uembli» stadioni
Gollar: Villian (5, 43 pen), Azar (75), Matich (80) – Keyn (18), Alli (52)
Chelsi – Kurtua, David Luiz, Ake, Alonso, Aspilikueta, Matich, Mozes, Villian (Azar, 61), Kante, Pedro (Fabregas, 74), Batshuayi (Diyego Kosta, 61).
Tottenhem – Lyoris, Alderveyreld, Vertongen, Trippyer, Eriksen, Dembele, Vanyama (Nkudu, 80), Dayer, Alli, Son Xin Min (Uoker, 68), Keyn.
Ogohlantirishlar: Alderveyreld (4), Alonso (45), Alli (73), Kante (90).
