"Real" bosh murabbiyi Zinedin Zidan Ispaniya chempionatining 34-turida "Deportivo" ustidan qozonilgan g‘aladan so‘ng (6:2) fikrlarini bildirdi.

Uchrashuvda madridliklarning bir nechta yetakchi o‘yinchilari ishtirok etmadilar, ular ichida Krishtianu Ronaldu ham bor.

"Bizda vaziyatlar ko‘p bo‘ldi, ammo ko‘rsatgan o‘yinimizdan mamnun bo‘lishimiz kerak. O‘yin boshidanoq yaxshi o‘ynadik. Hammadan mamnunman.

Isko va Hames gol urganlaridan xursandman, umuman hammadan mamnunman. Avval maydonga ko‘p tushmaganlar ham o‘zlarini ng yaxshi tomonlarini ko‘rsatdilar. Ular yaxshi formadalar va o‘ynashni istaydilar. Endi menda muammo bor, o‘ynashni istagan futbolchiga qanday qilib keyingi o‘yinda o‘ynamasligini aytaman? Bizga barcha o‘yinchilar muhim.

Isko fenomanel o‘yin ko‘rsatdi. Uning kabi kamdan kam o‘yinchilar o‘ynay oladi. Muxlislar ham unga yaxshi munosabatda, unin uchun xursandman", - deydi Zidan.

Isko bu mavsumda birinchi marta Ispaniya chempionatida 10 ta gol urdi.