"Реал" бош мураббийи Зинедин Зидан Испания чемпионатининг 34-турида "Депортиво" устидан қозонилган ғаладан сўнг (6:2) фикрларини билдирди.

Учрашувда мадридликларнинг бир нечта етакчи ўйинчилари иштирок этмадилар, улар ичида Криштиану Роналду ҳам бор.

"Бизда вазиятлар кўп бўлди, аммо кўрсатган ўйинимиздан мамнун бўлишимиз керак. Ўйин бошиданоқ яхши ўйнадик. Ҳаммадан мамнунман.

Иско ва Ҳамес гол урганларидан хурсандман, умуман ҳаммадан мамнунман. Аввал майдонга кўп тушмаганлар ҳам ўзларини нг яхши томонларини кўрсатдилар. Улар яхши формадалар ва ўйнашни истайдилар. Энди менда муаммо бор, ўйнашни истаган футболчига қандай қилиб кейинги ўйинда ўйнамаслигини айтаман? Бизга барча ўйинчилар муҳим.

Иско феноманел ўйин кўрсатди. Унинг каби камдан кам ўйинчилар ўйнай олади. Мухлислар ҳам унга яхши муносабатда, унин учун хурсандман", - дейди Зидан.

Иско бу мавсумда биринчи марта Испания чемпионатида 10 та гол урди.