O‘zbekiston Birinchi ligasining markaziy uchrashuvida “Sementchi” Quvasoyda “Andijon” jamoasini qabul qildi.

Uchrashuv kutilganidek keskin va kurashlarga boy tarzda o‘tdi. Jamoalar ilk daqiqalardanoq maydonning xar bir qarichi uchun kurash olib bordilar. Stadionga tashrif buyurgan 4000 dan ortiq muxlis va Andijondan tashrif buyurgan 400ga yaqin muxlislar olqishi ostida xar ikkala jamoa yanada ishtiyoq bilan xarakatlandi.

O‘yinning 28-daqiqasidagi yagona vaziyat uchrashuv taqdirini hal qildi. Mezbonlar yarimhimoyachisi Elyor Mamasoliyevning odatdagidek “qochishi”ni andijonlik ikki nafar himoyachi jarima maydoni ichida qo‘pollik bilan to‘xtatib qolishdi. Vaziyatga yaqin turgan bo hakam Dimitriy Pislegin o‘n bir metrlik nuqtani ko‘rsatdi. Belgilangan penaltini amalga oshirish uchun to‘p yoniga tajribali Raxmatillo Meliboyev yaqinlashdi va Lochin Dolimov qo‘riqlayotgan darvozani aniq nishonga oldi.

Shundan so‘ng uchrashuvda keskinlik yanada ortdi. Andijonliklar harchand bosim uyushtirishga urinsalar-da, darvoza oldida deyarli xavfli vaziyat sodir etilmadi.

Aksincha mezbonlar tezkor qarshi xujumlar bilan bir necha marta juda qulay va o‘ta xavfli vaziyatlardan foydalana olmadilar. Shu tariqa uchrashuvda kiritilgan yagona gol evaziga “Sementchi” navbatdagi g‘alabani qo‘lga kiritib, ishonchli tarzda yaqqol peshqadamga aylanib oldi.

Birinchi liga. 6-tur
26 aprel, Quvasoy. 3150 tomoshabin.
«Sementchi» (Quvasoy) – «Andijon» (Andijon) – 1:0.
Gol: R. Meliboyev (28 penalti).
Hakamlar: D. Pislegin (Toshkent) – 8,3, SH. Fayziyev (Jizzax) – 8,5, SH. Kayumov (Jizzax) – 8,2, R. Kopadze - 8
Inspektor: S. Ermatov (Toshkent).
Ogohlantirishlar: S. Sotivoldiyev (22), A. Yusupov (80) – F. Bekmuratov (19), SH. Jumabayev (22), I. Otaxanov (35), S. Askaraliyev (39), L. Dolimov (85).
Chetlatish: D. Mamatov (85) – A. Berdiyev (85).