Ўзбекистон Биринчи лигасининг марказий учрашувида “Цементчи” Қувасойда “Андижон” жамоасини қабул қилди.
Учрашув кутилганидек кескин ва курашларга бой тарзда ўтди. Жамоалар илк дақиқаларданоқ майдоннинг хар бир қаричи учун кураш олиб бордилар. Стадионга ташриф буюрган 4000 дан ортиқ мухлис ва Андижондан ташриф буюрган 400га яқин мухлислар олқиши остида хар иккала жамоа янада иштиёқ билан харакатланди.
Ўйиннинг 28-дақиқасидаги ягона вазият учрашув тақдирини ҳал қилди. Мезбонлар яримҳимоячиси Элёр Мамасолиевнинг одатдагидек “қочиши”ни андижонлик икки нафар ҳимоячи жарима майдони ичида қўполлик билан тўхтатиб қолишди. Вазиятга яқин турган бо ҳакам Димитрий Пислегин ўн бир метрлик нуқтани кўрсатди. Белгиланган пенальтини амалга ошириш учун тўп ёнига тажрибали Рахматилло Мелибоев яқинлашди ва Лочин Долимов қўриқлаётган дарвозани аниқ нишонга олди.
Шундан сўнг учрашувда кескинлик янада ортди. Андижонликлар ҳарчанд босим уюштиришга уринсалар-да, дарвоза олдида деярли хавфли вазият содир этилмади.
Аксинча мезбонлар тезкор қарши хужумлар билан бир неча марта жуда қулай ва ўта хавфли вазиятлардан фойдалана олмадилар. Шу тариқа учрашувда киритилган ягона гол эвазига “Цементчи” навбатдаги ғалабани қўлга киритиб, ишончли тарзда яққол пешқадамга айланиб олди.
Биринчи лига. 6-тур
26 апрель, Қувасой. 3150 томошабин.
«Цементчи» (Қувасой) – «Андижон» (Андижон) – 1:0.
Гол: Р. Мелибоев (28 пенальти).
Ҳакамлар: Д. Пислегин (Тошкент) – 8,3, Ш. Файзиев (Жиззах) – 8,5, Ш. Каюмов (Жиззах) – 8,2, Р. Копадзе - 8
Инспектор: С. Эрматов (Тошкент).
Огоҳлантиришлар: С. Сотиволдиев (22), А. Юсупов (80) – Ф. Бекмуратов (19), Ш. Жумабаев (22), И. Отаханов (35), С. Аскаралиев (39), Л. Долимов (85).
Четлатиш: Д. Маматов (85) – А. Бердиев (85).
