«Barselona» prezidenti Xosep Mariya Bartomeu qonun oldida javob beradigan bo‘ldi.

Mulozim hujumchi Neymarning «Santos» klubidan transfer qilinishi bilan bog‘liq firibgarlik bo‘yicha ochilgan jinoyat ishi yuzasidan sud mahkamasiga chaqiriladi, deb xabar bermoqda Goal.

Eslatib o‘tamiz, Neymarning 40% transfer huquqiga egalik qilgan DIS investisiya fondi futbolchi, uning otasi va «Barselona» klubini firibgarlikda ayblamoqda. Kompaniya rahbariyatining da’vosiga ko‘ra, uning transfer narxi keskin pasaytirib ko‘rsatilgan, natijada fond o‘ziga tegishli bo‘lgan ulushni juda kam miqdorda olgan.

Avvalroq, Neymar va uning vakillari bu mojaro yuzasidan sudda javob berishi belgilab qo‘yilgandi. Endi Bartomeuga ham firibgarlik ayblovi qo‘yiladi.